नयाँ प्रतिभा कार्यक्रम युएइमा सम्पन्न

गीतामणि पाण्डे, युएइ, चैत्र १३ – नेपाली संस्कृतिको संरक्षण गर्ने उद्देश्यले युएइमा रहेका नेपालीहरुले सांस्कृतिक कार्यक्रम तथा प्रतिभा प्रदर्शन कार्यक्रम गरेका छन् ।

बाग्लुङ्ग सेवा समाज युएइको आयोजनामा भएको प्रतियोगितामा प्रतियोगितामा गोविन्द परियार पहिला, सीता शिरिश दोस्रा र बाबुराम सुवेदी तेस्रा भएका छन् । बिजेताहरुलाई प्रमाणपत्र र खादा ओडाएर सम्मान गरिएको थियो । संस्थाका वरिष्ठ सल्लाहकार बलबहादुर बिकले बिजेता प्रतिभाहरुलाई बधाइ दिदैँ नेपाली संस्कृति बिर्सन नसकिने बताउनुभयो । उहाँले संस्कृति संरक्षणका लागि सबै नेपाली एक जुट हुनुपर्ने बताउनुभयो । प्रतियोगितामा गोविन्द परियार, सीता शिरिश मगर, बाबुराम सुवेदी, बाबुराम गौतम, गमबहादुर बिक, सुनिल थापा र रत्न बिकले आफ्नो प्रतिभा प्रस्तुत गरेका थिए । युएइमा रहेका बाग्लुङ्गबासीले नेपालको गाउँमा रहे झैँ एक आपसमा सुख दुःख साटासाट गर्दै नाचगान गरेका छन् ।

कार्यक्रमका सहभागी तथा आमन्त्रित महानुभावहरुलाई पूर्ण सापकोटाको स्वागत गर्नुभयो । कार्यक्रममा कृष्ण केशी, बाबुराम गौतम, गमबहादुर बिक, पशुपति शर्मा, बलबहादुर बिक, कृष्ण केशी, केदार सिंह नेपाली, सुनिल थापालगायतले संस्थाका बारेमा प्रकाश पार्नुभयो । संस्थाका अध्यक्ष पिताम्बर पाण्डेको अध्यक्षतामा कार्यक्रम चलेको थियो ।